已故赌王何鸿燊嘅三房千金何超莲,佢曾经暗示自己喺感情路上畀旧爱出轨背叛,今年4月佢嘅好姊妹周扬青宣布同罗志祥分手嗰阵,佢曾经喺社交平台数臭男方偷食。
当时何超莲留言表示:「你经历的我都经历过,我知道那有多痛,好佩服你嘅勇敢,加油我的胖胖。」让人怀疑何超莲当年同台湾男星吴克群拍拖嘅时候,遭对方不忠伤害。
而家何超莲同大陆艺人男友窦骁拍拖甜蜜蜜,处于热恋期嘅佢,梗係过得好幸福,但曾经历过情伤嘅佢,到而家依然好痛恨偷食男同第三者。
何超莲呢排有追大陆热播剧集《三十而已》,故事讲述三个30岁女人嘅故事,当中包括家庭、爱情同事业等。
何超莲呢日喺社交平台晒出咗其中一幕嘅截图,剧情讲述大陆男星李泽锋饰演嘅许幻山,孭住老婆顾佳,同张月饰演嘅第三者林有有到酒店偷情。
何超莲就留咗五个嫐爆嘅emoji嚟表达心情,可见佢睇呢场戏睇到相当之嬲,佢又直言自己要激死,最衰係剧中嗰个偷食嘅老公。
本文由星闻娱乐提供 http://www.teemx.com
|
请发表评论